Egunkaria-ren aldeko Gaualdia antolatu dute Miarritzen otsailaren 6rako (larunbata). Gaztetxean izango da -La Negresse auzoan dago, Karting eta Atabal ondoan-, 18:00etatik aurrera.
Imanol Murua Uria Egunkaria-ko kazetari ohi eta auziko lekukoak, Lorea Agirre Egunkaria-ko kazetari ohi eta Gezurra ari du liburuaren egileak eta Andoni Alvarez Egunkaria-ren Aldeko Kultur Elkarteko kideak hitzaldia emango dute, “pintxoak lagun”.
Ondoren bertsolariak izanen dira, eta gero kontzertuak: Anje Duhalde, Deabruak Teilatuetan, Gose, Bizardunak eta DJ Xano.
Euskal Herria Zuzenean jaialdiko lagunak bertan ikusiko al ditugu? Baietz espero!
