Belarmiñak, Joxi Ubedaren musika egitasmo berria

Hasiera hasieran, Joxi baino ez zen… Gero etorri ginen besteak. Ekimen berri batekin dator orain Joxi Ubeda. Ibarran egingo du aurkezpen “ofiziala”. Hauxe kartela. Belarmiñak entzuteko gogoz, aupa Joxi!!

Imagen

Joxi Ubeda kitarra akustikoarekin eta kantuan arituko den bitartean, Lobo Electrico taldeko kitarrista Iki Polikik kitarra elektrikoarekin lagunduko dio. Subegi elkartean abiatuko da egitasmo berria, han eta hemengo taula-gainetan segida izateko.

Joxi Ubeda

Joxi Ubeda, kantaria eta gitarra jolea Belarmiñak egitasmoan.

Iker Lopez

Iki Poliki (Iker Lopez), Belarmiñak taldeko gitarrajolea.

Esan beharrik ez dago Joxi Ubeda Toxic twinsen anaia dela, anaia zaharrena hain zuzen. Musikan egin dugun ibilbidearen erantzuletakoa bera da, zalantzarik gabe. Txikitan haren diskoak entzunez, haren afizioa gure egin genuen. Punk eztanda hartan egin zuen musika ibilbidea gertutik jarraitu genuen ere. Ume mukizuak ginela (13-16 urte) Tortura Sistematica edota Bukaera taldearen (Baxi Jupiter Jon taldekoa, gure beste anaia,  taldeko kide zen) kontzertuetara joaten ginen. Aho zabalik geratzen ginen talde haiei begira. Oso oso gazte ginela ezagutu genituen Andoaingo, Alegiko, Txaramako edota Tolosako gaztetxe mitikoak.

1989. urtea izango zen Tolosako San Esteban auzoan Toxic anaiak Joxi anaiaren entsealekura lehen aldiz musika egitera sartu ginenean. Hark bateriaren makilak hartu zituen, Imak kitarra eta mikroa ta Jonik baxua. Ez zen entsegu bakarra izan, hurrengoetarako ordea Tolosako dultzaineroekin atabala jotzen zebilen Inigo Arruti deitu genuen baterian aritzeko. Eta lehen pausu haietatik sortu zen gerora Deabruak Teilatuetan.

Hasiera haiek gogoan… berriro hasteko aukera duena Joxi Ubeda anaia da. Long life Belarmiñak!

Una respuesta a Belarmiñak, Joxi Ubedaren musika egitasmo berria

  1. Olaia dice:

    Etxeko berriena neroni izanik ere, oroimen ugari ditut ene burmuinaren bihotzean barneraturik. Hala bada, oroimenen kaxa astinduz hautsez beteriko gomutak datozkit harrapaladan…. Musikaz blai denak, bi aipatzearren, bata aitaren R12an, Bergarako bidean ezin kabitu, sei anai-arrebak elkarrekin, emozioa nagusi, Joxi gidari, Garbiñe kopilotu ta atzekaldean beste 4ok, ilusioa gainezka ta ni, kotxeko beiratik bestaldera ikusteko nahikoa lana nuela, ezin esan nezake zein bide ta zein herri pasa ote genituen iritsi bitarte baina M-ak eta Os Resentidos zain genituen, Jam aretoan.
    Bigarrenak berriz, Mutrikuko Venecia aretora narama, Joxi ta biok, mano mano, Mano Negra ikustera!!! Bertan erosi nuen esku beltza zuen pin hura, kurtso amaierako bidaian Torre Eiffelean galdu nuena….
    En pin, etxekoek Joxiri “azanaio” deitzen diogu maitekiro…
    Gaurkoan belarmiñekin datorkigu, Ikerregaz, azken lana taularatzeko grinaz, etxeko zaharrena izanik ere, berak mantentzen du arima gazteen!!
    Mila esker musikatu dizkidazun egun ederrengatik, Joxi!!!!

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: