Hain makurra da dena oraindik

abril 3, 2013

Aste Santua. Opor egunak dituzu, baina ez zara inora joan. Etxe inguruan geratu zara. Ostiral Santuan izebarengana joan zara bazkaltzera. Sartu eta berehala hasi zaizu hizketan, adinduek urduri jartzen direnean egiten duten moduan. Nahasi antzean. Ez duzu gauza handirik ulertu hasieran. “Que han aparecido unos cuerpos en Alsasua, a ver si te enteras de algo más”. Bere aitonaz ari zaizu. Birraitonaz, alegia.
Izebaren mandatuari jarraituz, hasi zara eskuko telefonotik han eta hemen begira.

Gerra Zibileko 10 fusilaturen gorpuak aurkitu dituzte Urbasan

Espainiako Gerra Zibilean hildako 10 lagunen gorpuak aurkitu dituzte orain arte Urbasako mendikatean, Aranzadi Zientzia Elkarteak abiatutako indusketetan. 1936an hildako Balbino Garcia de Albizuren ilobak aitonaren gorputza lurpetik ateratzeko eskaera egin ostean, elkarte hori zonaldean hondeatzen hasi da.
Laster, gorpuzki gehiago aurkitu dituzte, eta identifikazioa egin ostean, hamar lagunen gorpuzkiak direla ondorioztatu dute. Horietako hiruk tiro zauriak zituzten buruan. Adituek diotenez, litekeena da 1936an fusilatuak izatea eta, ondoren, amildegira bota izana.

Tragediaren sinbolo
Aurkitutako objektuen artean lapitz bat dago, familia hauen borrokaren sinbolo bihurtu dena. “Lapitz honekin, jabeak ideiak eta sentimenduak adierazi zituen, eta hori guztia altxamendu militarrarekin amaitu zen”, azaldu du Paco Etxebarria Aranzadi Elkarteko presidenteak, “guztien tragediaren isla da lapitz hau, eta orain, XXI. mendean, istorio hau idazten jarraitzea gure ardura da: hori da garrantzitsuena” (…).

Senitartekoen laguntza
Lur azpitik 10 metrora, arkeologoak lana zorrotza ari dira egiten. Aurkitutako objektu eta arropa guztiak ari dira aztertzen hildakoaren identitatearen gainean informazioa eskaini ditzaketelako. Amildegitik ateratako hezurrak laborategira eramango dituzte eta bertan, senitartekoen laguntzarekin, gorpuzkiak identifikatuko dituzte.

Olga Alcega Nafarroako Fusilatuen Senitartekoen Elkarteko presidenteak azaldu duenez, “ilusioa handia da, baina mina ere handia da; hezurrak eta tiroak ikusteak mina eragiten digu, baina aldi berean ilusio handia da, urteak daramatzagulako senitartekoak bilatzen”. “Haiek berreskuratzeak esanahi handia dauka guretzako”, ondorioztatu du Alcegak.
Iturria: eitb.com

Urbasa1

Oporrak amaitu berri, Asociación de Familiares de Fusilados y Desaparecidos de Navarra 1936 elkartekoekin jarri zara harremanetan. Gorpuzkinekin batera zakurren hezurrak ere badirela adierazi dizute. Zakurrak bizirik botako zituztela seguruenik, hezurrak kraskatuta ageri direlako. Errepublizaleen arrastorik gera ez zedin, horregatik bota zituztela zakurrak bizirik. Hasieran ez zara jabetu. Ondoren jarri zaizu espantu aurpegia, telefonoa eskegi eta hitz egindakoa paper mutur batean idazten hasi zarenean. Igual oker daude, pentsatu duzu. Baina ezin izan duzu irudia burutik kendu.

Dena den, itxaropena ez galtzeko, hori ere esan dizu fusilatuen senideen elkarteko kideak. Akaso gorpuzkin horietako bat izan daitekeela birraitonarena. Hori jakiteko, ordea, ahalik eta informazio gehien beharko dutela Aranzadikoek. Lanbidea eta adina, bereziki. “Abarkekin agertu den bat, nekez izan daiteke epaitegiko idazkari”, hala esan dizu. Eta horixe zen birraitona. José Ubeda Sánchez. Altsasuko epaitegiko idazkari, UGTko kide. 51 urterekin atxilo eraman zuten eta Urbasan desagerrarazi ei zuten.

Navarra 1936, de la esperanza al terror (Altaffaylla Kultur Taldea, 1986) liburuan topatu duzu birraitonaren adina. Non dira (Gaztelupeko Hotsak, 2006) diskoa prestatzerakoan, hainbatetan orrikatu zenuen liburuan. Ia ahazturik zenuen beste pasarte ikaragarri bat ere irakurri duzu, berriro: “Quizás, para evitar el inconveniente de los enterramientos, en días posteriores se suceden asesinatos en Alsasua con una crueldad desconocida hasta entonces: los detenidos son arrojados, algunos de ellos simplemente heridos, a las simas de Urbasa. Corrieron esta triste suerte Emilio García, Adelino Gil, un vendedor de periódicos medio ciego y que al parecer confundieron con José Ubeda Sánchez que arrojaron a la sima al día siguiente; Víctor Urquijo, padre de ocho hijos y destacado socialista, al que sacaron de la fábrica de cementos y lo llevaron derecho a la sima”.

Urbasa2

Betidanik entzun duzu etxean. Jende asko bota zutela Urbasako amildegietan behera. Orain atera dituzte hamar gorpuren arrastoak. Baina berrehundik gora izan daitezkeela, leize horietan barrena bota zituztenak. Zergatik ez da horrelako aurkikuntzarik abiarazi lehenago? Non izan dira orain arte instituzioak? Eta zertan dira instituzio publiko horiek oraintxe bertan? Nafarroakoak zein Espainiakoak? Babesa agertzera azaldu al dira sikiera? Desagertutako eta fusilatutakoen senitartekoen elkartea da egunotan Urbasakoa ikertzen ari dena; eta bere aginduz, Aranzadi elkartea da lanean ari dena. Kito.

36ko gerra bolo-bolo dabil oraindik hedabideetan. Eta egia da, sentsibilizazio mailan urrats handiak eman dira. Baina praktikan, gauzak ez dira hainbeste aldatu. Egunak badoaz, ordea, gero eta zaharragoak dira izeba eta aita, eta gero eta astunagoa zaie hau guztia. Baina ez dute etsi nahi. Ezin dute. Aitonaren gorpuzkinak isiltasunaren leizetik atera eta etxekoekin batera hilobiratu nahi dituzte, duintasunez. Hori baino ez dute nahi. Ez da hainbeste. Baina oraindik ere, hain makurra da dena.


Lizarbakar grabaketa, sekuentzia plano bakarrean

diciembre 23, 2010

“Lizarbakar”, kantua-song making off
(Don Inorrez, Bide ertzean 2010
)

Hari Orkestra-Orquesta de cuerda:
Biolinak: Xabier Gil, Ricardo Ruiz, Iciar Mujica, Jan Pawlusiewicz.
Biolak: Grzegorz Kawka, Jean Michel Nougué.
Txeloak: Elena Escalza, Juan Ignacio Emme.

Hari Orkestrarako moldaketak eta zuzendaritza:
Joserra Senperena.

Soinu hartzailea: Kaki Arkarazo.
Estudioa: Garate Studios, Andoain (Gipuzkoa).
Kantuaren hitzak eta doinua: Imanol Ubeda.
Bide Ertzean: Imanol Ubeda (ahots nagusia, kitarra), Fran Iturbe (kitarra), Joserra Senperena (pianoa, hammond B3), Karlos Arancegui (bateria), Joni Ubeda (baxua).


“Iraileko gau batean”, recording sessions

octubre 7, 2010

Garate estudioetan Bide Ertzean taldeak egindakoaren lekukotza txikia da hurrengo bi bideoetan ikus daitekeena. “Iraileko gau batean” kantuan oinarrituta daude bi bideoak, batean Fran Iturbe protagonista delarik. Bestean, Joserra Senperena.

Karlosek, Jonik eta Imak dagoeneko bere lana egin zuten. Kantuaren oinarria grabatuta, Fran Iturbek 2009ko azaroan egin zuen kantu honen grabaketa. Bideoan ikus daiteke kantuaren riff adierazgarri baten sorkuntza, estudioan bertan ateratakoa. Eta baita ere kantuari amaiera emateko Franek Kakiren laguntzarekin egiten duen bilaketa lana.

2010eko maiatzean Joserra Senperenak beste lau taldekideek eginiko lana borobildu zuen. “Iraileko gau batean” kantuan hammond B3 organoa, pianoa eta akordeoia grabatu zituen. Eta kantuaren hasieran entzuten den sintetizadore doinua ere berak egindakoa da. Bideoan ikus daiteke hiru instrumentu ezberdinekin eginiko grabazioa, Karlos eta Kaki laguntzaile dituela.

“Iraileko gau batean”, kantua-song making off
(Don Inorrez, Bide ertzean 2010)
2009.XI. Don Inorrez recording sessions: Fran Iturbe.
2010.V. Don Inorrez recording sessions: Joserra Senperena.
Soinu hartzailea: Kaki Arkarazo.
Estudioa: Garate Studios, Andoain (Gipuzkoa).


Gaur 8.info

abril 1, 2010

Deabruak Teilatuetan taldearen kontzertu batean, Ondarroan, koadrila handi bat sartu zen taberna batean eta erronda ateratzeko bi anaiak hurbildu ziren barrara. Barruan emakume heldu bat zegoen, hagitz saltsera, eta han duten euskara eder horrekin, begiratu eta honela bota zien: «Zuek gerritik behera ez dakit, baina gerritik gora igual-igualak zarete!». Maider Iantzi. 2010ko Martxoaren 26a

Jarraitu irakurtzen


Antoher one!

febrero 6, 2010

by Iñaki “Cheito” Ramirez


Colemans+, taldeko lehen argazkia

enero 11, 2010


Altxa buru hori!

enero 5, 2010

Boise bitch, Zaurien bulebarrean, Be anormal my friend… tutik ere ez duzue ulertuko, zentzurik ez diozue aurkituko. Sartu google-en, alperrik ordea! Toxicen blogean zaudela, musikaz hitz egiten gabiltza, jar zaitez hori pentsatzen. Nola bestela!Musika da, bizi-bizia, esateko asko duten kantuak dira hasieran aipaturiko horiek guztiak. Horiek eta gehiago eskainiko ditu Colemans+ taldeak ostiral honetan Donostiako Dokan, 20:30ean hasita. Beraz, kantu berriak eta talde berria ikusteko modu bakarra dago, zuzenekora gerturatuz.
Tartean multipolar bilakatu diren Toxic Twins, Crazy Cymbal eta laukotea borobiltzeko Gorka BTX aurreko hiruen lagun handia.
Nahikoa arrasto eman ondoren, hitzak soberan daude. Kitarrak mintzo bitez…
Bertan elkar ikusiko dugulakoan, altxa buru hori!!

**
Internet sarean taldearen aurkezpen zehatza aurkitu dugu:
Enero 4, 2010 de harrieko
Corría el año 2005 cuando vimos el nacimiento de Peiremans+, grupo euskaldun formado por Txiki (Kashbad), Ima Ubeda (Bide Ertzean, Deabruak Teilatuetan) y Gorka Urbizu (Berri Txarrak, Katamalo) que practicaba un rock orientado al pop que recordaba a bandas Power Pop como Weezer. Al contrario del malogrado centrocampista belga de la Real que dió nombre a la banda, la maqueta obtuvo cierta repercusión y el single Zuretzako Hitz Ederrak fue nominado a los premios Gaztea Sariak de Euskadi Gaztea. La gira fue bastante breve y el ultimo concierto celebrado en Durango parecía el punto y final a esta aventura que desde el principio se nos vendió como una válvula de escape de sus respectivos proyectos.

Ahora, cinco años después, Ubeda y Urbizu han decidido sentar a Peiremans y han apostado por Chris Coleman para liderar este segundo proyecto. La secretaria técnica ha visto necesario reforzar el grupo y en este mercado invernal han llegado Joni Ubeda y Karlos Aranzegi para formar un grupo lleno de ilusión y compromiso. El debut de este ilusionante equipo, mas conocido como COLEMANS+, será el próximo día 8, viernes, en el Doka de Donosti y estarán acompañados por Deabruak Teilatuetan, la otra banda de los hermanos Ubeda. Este blog puede adelantar en primicia la alineación oficial que sacara el bueno de Chris en este partido debut: Karlos Aranzegi “Demetradze” (bateria), Joni Ubeda “Achinpun” (bajo), Ima Ubeda “Dramé” (guitarra y voz) y Gorka Urbizu “Necati” (guitarra y voz). Esperemos que el repertorio y el juego estén a la altura de la carrera de semejantes astros del balón.